يمكنك هزيمة كُل أعدائك

أنا هاجر لاشين خريجة صحافة وإعلام، درست وبدرس الجذور اللغوية القديمة الجرمانية والسنسكريتية واللاتينية والمصرية القديمة والقبطية، واللغات المشفرة بالرسم والتصوير على جدران مختلف حضارات العالم وربطها بالرموز اللي استخدمها العلماء القدامي في مؤلفاتهم للتعبير عن أفكارهم بالرسم والرموز.

رحلتي بدأت من شغفي بالحضارات القديمة، خصوصاً الحضارة المصرية العريقة، تحديداً لما قرأت الفصل 112 من كتاب الخروج إلى النهار الموثق على جدران الحضارة المصرية اللي بيقول " عين حورس هي حاميتك، أوزوريس سيد الغربيين هو حارسك، سيهزم كل أعدائك، وكل أعدائك هم بداخلك "

كل أعدائك بداخلك؟ جملة غريبة تدعو للتوقف والتساؤل ومن هنا بدأت الرحلة اللي مرساها كان استيعاب إن جميع الحضارات نقشت على جدرانها " قصتك "، قصة خلقك وتشريحك الداخلي والناس اللي عايشين جواك، اللي لو مقدرتش تسمع صوتهم وتوجههم يحكموك هم ويوجهوك، علشان كدة الحضارات كانت حريصة تعلمك أدواتك اللي بتملكها للتحكم في كل ما هو بداخلك.

جاهز تبدأ رحلة التعرف على نفسك ؟